Hri kai hmuh thar awmlo

Nimin khan Serchhip atangin Swab Sample 42 zet enfiah niin heng atang hian hri kai hmuh an awm lo.

Thudawn danin niminpiah a Serchhip atanga Sample enfiah 42 zinga 11 te hi ZMC Laboratory-a Swab Sample enfiah te niin heng zingah hian hri kai hmuhchhuah an awm lova, heng Sample enfiah zingah hian tunhnaia State pawn atanga rawn haw nia hriat te nena lo khawsa ho nia hriat leh mahni In lama inkhunghrang tura tih Serchhip Leisang Veng-a mi 5 te Sample pawh a tel a, hri kai an awmlo a ni.

Heng bakah hian Rapid Antigen Test hmangin Sample 31 enfiah a ni bawk a, heng zingah hian hri kai hmuhchhuah an awmlo bawk a. Serchhip District-a Rapid Antigen Test tih tih sak zinga mi 24 te hi Thenzawl khawchhung mi te niin heng mite te hi COVID-19 an vei rin-hlelh vang ni lovin Thenzawl-ah hripui a leng em tih hriat theihna tura mi 20 thlanchhuah bik te an ni a. Thenzawl Town Task Force leh damdawi In hotute inberawn chungin Thenzawl-a Sample Management Team ten Test hi an tihsak a ni.

Tun dinhmun ah Serchhip District-ah hri kai enkawllai 42 an la awm mek a, heng zinga mi 11 te hi Tarpi tlang DCHC-a awm te niin midang 31 te hi Thenzawl CCC-a awm an ni thung a, hri kai enkawl zingah hian hri kai tawhlo, hri kai enkawlna hmun atanga chhuak mai thei te pawh an awm tawh a ni.

Nimin khan Serchhip District-a Quarantine Facility-ah inkhunghrang mi 54 an la awm mek a, mahni In lama inkhunghrang erawh an awm rihlo a ni.