Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

General Enterprising Tendency zirchianna tlangzarh

Mizo thalaite zinga Entrepreneurship tehfung zirchianna ‘Mapping of General Enterprising Tendency Among Mizo Youth’ tih chu nimin khan Labour, Employment, Skill Development & Entrepreneurship Department enkawltu Minister, Lalchhandama Ralte chuan a tlangzarh.

Planning & Programme Implementation Department Conference Hall-a tlangzarhna hunah hian Minister chuan he zirchianna hi, Mizoram hmasawnna rahbi atan tehfung pawimawh a ni thei a, a bik takin zirna policy thar NEP hnuaia ruahmanna siam zel turah pawh a tangkai thei dawn tih a sawi a. Zirna kalphung thar NEP-ah zirlai naupangte chu pawl hniam atangin an tuina lam zirtir an nih dawn avangin GET zirchianna hian hemi atana ruahmanna siam kawngah pawh nasa takin a pui thei dawn a, School Education Department tan pawh thil tangkai tak a nih a rinawm tih a sawi.

Planning and Programme Implementation Department, Secretary Dr. C. Vanlalramsanga chuan GET zirchianna hi State dang ten an la tih ve mang loh avangin State dangte nena inkhaikhin theih ni rihlo mah se khawvel ramdangin an lo tih tawhna te thlirin Mizoram dinhmun chu a tha hle niin zirchianna hian a tarlang tih a sawi.

He zirchianna buaipuitu ber Dr. Laldinliana Varte, Director, MZU Incubation Centre leh K.C. Malsawmtluangi, Research Associate te chuan sumdawng leh entrepreneur danglamna te, GET tehfung hrang hrang sawifiahna te leh an zirchianna atanga an thil hmuhchhuah leh zirchhuah te an sawi bawk.

GET zirchiannah ah hian, Mizoram District hrang hranga zirlai naupang 2255 (Higher Secondary School zirlai 1240 leh College zirlai 1015) te chu Sample size a la in zirchianna kalpui a ni a. Heng zinga za zela 48.2 chu mipa niin za zela 51.8 chu hmeichhia an ni a. He zirchianna hi District thar awm hmaa tan anih avangin District 8 angin an thil hmuchhuah te hi tarlan a ni.

Comments

Chhiar Hlawhte

Serchhip District-ah COVID-19 Vaccine pe leh dawn