Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Rulhut hlo pe tan leh ta

Kumin-a a vawi hnihna atan nimin khan National Deworming Day chu hman tan a ni.

Naupang kum 1 atanga kum 19 te hnena Rulhut hlo pekna Ni, National Deworming Day hi kumtin vawi hnih hman thin niin kumin hian a vawi khatna atan February thla khan hman a lo ni tawh a, nimin atang khan a vawihnihna atan hman leh niin hun dangah chuan School leh Anganwadi Centre-ah te Rulhut hlo hi pek thin ni mah se hri leng mek avangin hetiang hian kalpui theih a ni ta lova, hei vang hian Veng tina ASHA te chuan an bial chhunga In tinah kalin Rulhut hlo hi an pe a ni. Rulhut hlo pek beihpuithlak ah hian hri laka himna atan hian ASHA te pawh In-ah lut lovin kawtkai-ah Rulhut hlo hi an pe a, ruahman lawk ang chuan tunkar Zirtawpni thleng khian chhun-zawm tur a ni ang.

Comments

Popular News (Last 30 Days)