Mizoram-ah COVID-19 hri kai 35 hmuh belh an ni

/

Mizoram-ah niminpiah khan COVID-19 hri kai mi 35 zet hmuh belh leh niin Mizoram-a hri kai hmuhchhuah chu 953 an tling tawh.

Sawrkar thuchhuah in a tarlan danin niminpiah khan ZMC Laboratory-ah Swab Sample 503 enfiah leh niin heng zingah hian COVID-19 hri kai mi 30 hmuh leh an ni a, heng mite hi Aizawl District-a Sample lak vek niin mipa 22 leh hmeichhia 8 an ni. Tunhnaia Melriat-a COVID-19 hri kai hmuhchhuah in a lo kawm hnaih te Sample enfiah ah hri kai 14 hmuh niin mipa 8 leh hmeichhia 6 an ni a, kum 7 leh 78 inkar te niin mi pakhat tihloh chu Symtom neilo vek an ni.

Hei bakah hian Zangena Petrol Pump-a Duty COVID-19 hri kai in a lo kawm hnaih atangin hri kai 9 an awm bawk a, mipa 7 leh hmeichhia 2 niin Ramhlun South-a cheng mi 8 leh Falkawn-a cheng mi pakhat an ni a, kum 23 leh 42 inkar an ni a, hri kai lanchhuahna neilo vek an ni bawk. Tunhnaia Rangvamual-a kal te kawmhnaih chhuina kal zelah Tuikual North-a hri kai in alo kawm atangin hri kai pakhat hmuhchhuah a ni bawk a, amah hi kum 42-a upa, Ramhlun South-a cheng a ni bawk.

Niminpiah a Aizawl District-a hri kai hmuhchhuah dang 6 te chu Travel history nei te niin mipa vek an ni a, Assam leh Meghalaya atanga rawn haw te niin an zingah BSF Sipai pakhat a tel a, kum 31 leh 56 inkar niin Quarantine Centre-a awmlai vek n ni.

Rapid Antigen Test hmangin niminpiah vek khan COVID-19 hri kai mi 5 hmuhchhuah an ni bawk a, an zinga mi 4 chu mipa niin pakhat hi hmeichhia a ni thung a, Mamit District-ah Assam atanga rawn haw mi 2, Kolasib District-ah Truck Driver mi 2 leh Aizawl District-ah West Bengal atanga rawn haw hmeichhia pakhat te an ni.

India-ah hri kai enkawl dam zaa 75.91 an tling tawh :

India rama COVID-19 hri kai enkawl dam chu hri kai hmuhchhuah zawng zawng atanga zaa 75.91 an tling tawh a, darkar 24 kalta chhung khan mi 66,550 zet enkawl dam an ni. Ministry of Health & Family Welfare chhinchhiah danin darkar 24 kalta chhunga India rama COVID-19 hri kai enkawl dam mi 66,550 te nen hian tun thlengin India ramah mi 24,04,585 te chu enkawl dam an ni tawh a, hei hi hri kai hmuhchhuah zawng zawng 31,67,323 atanga chhutin zaa 75.91 an tling tawh a, tunah hian nunna chan mi 58,390 awm tawhin hri kai enkawllai 7,04,348 an la awm mek bawk a ni.

India ramah hian sample 3,68,27,520 enfiah a ni tawh a, heng atang hian hri kai hmuhchhuah 31,67,323 awmin Sample enfiah atanga zaa 8.60 te chuan hri hi an kai anga chhinchhiah a ni a, India ram mipui atanga chhutin Sample enfiah hi 2.72 chauh ala ni thung.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »