Hri kai enkawllai 79 leh inkhunghrang 89 awm mek

Serchhip District-ah COVID-19 hri kai enkawllai mi 79 awm mekin COVID-19 avanga inkhunghrang mi 89 an awm mek bawk.

Serchhip CMO Office atanga thu kan dawn danin niminpiah khan Serchhip Nursing School-a BSF Sipai hri kai enkawlna hmunah hri kai mi 2 enkawl tura rawn dah belh niin nimin khan Then-zawl AYUSH Hospital-a CCC atangin hri kai enkawl dam mi pakhat chhuahtir a ni bawk a, heti hian Serchhip District-ah hri kai enkawllai mi 79 an la awm mek a ni.

Serchhip District-a hri kai enkawllai te hi Serchhip Tarpi Tlang SIRD Dedicated COVID Health Centre (DCHC)-ah mi 8, Serchhip Nursing School CCC-ah mi 50 leh Thenzawl AYUSH Hospital CCC-ah mi 21 te an ni.

Hetihlai hian Serchhip District-ah COVID-19 hri leng avanga inkunghrang mi 89 an la awm mek a, nimin khan BSF Sipai mi 40 te chu Eklavya Model Residential School-ah khunghran leh niin Tourist Lodge Serchhip-ah mi 11, Highway Restaurant, Chhiahtlang-ah mi 9, Tourist Lodge, Thenzawl-ah mi 18, P&E Rest House-ah mi 1, Sainik School, Chhingchhip-ah mi 7 leh Agriculture Rest House, Serchhip-ah mi 2 khunghran mek an ni a, mahni In lama inkhung-hrang mi 1 ala awm bawk a ni.