Champhai-ah inthlanpui neih tur thlirlawk a ni

Nimin khan Champhai-ah Village Council inthlanpui neih tur dik leh felfai taka neih a nih dan tur ngaihtuahin District Election Officer leh District Bawrhsap, Maria CT. Zuali hovin thutkhawm neih a ni. He thutkhawm ah hian District Election Officer chuan Village Council inthlanna neih tur chu State Election Commission kaihhruaina hnuaia neih tur anih thu sawiin, inthlan hun puan anih atangin Model Code of Conduct hman nghal a ni tih a sawi a. Champhai District chhungah Village Council 62 a awm thu leh Polling Station 71 siam anih dawn thu sawiin, senso tlem leh hautak lo thei ang bera inthlanna kalpui a tul thu a sawi a, inthlanna felfai leh dik tak neih anih theihna tur chuan kan zavaia tan tlana intawiawm tawn angai a ni, a ti.
Inthlanna felfai leh dik neih anih theihna kawnga Mizoram People Forum hmalakna chu fakawm a tih thu sawiin, Sector hrang hrangte vil turin Sectoral Magistrate 6 te ruat an nih thu leh Nodal Officer hrang hrangte pawh ruat an nih thu a sawi a. Inthlanna felfai, awn lam bik neilo leh entawntlak tak neih anih theihna turin Sectoral Magistrate-te mahni bial theuh ngun taka vil tur leh mahni mawhphurhnate hlen chhuah tum theuh turin a chah a ni.
Champhai SP, Rex Zarzoliana Vanchhawng chuan inthlanna neih tura venhimna kalpui dan tur chungchanga ruahmanna an siam te sawiin Addl. District Election Officer, Lalnunfela Chawngthu chuan Model Code of Conduct chungchang a sawifiah a, Champhai District chhungah hian VC Seat 282 a awm a, heng zinga Seat 208 chu General Seat niin, Seat dang 74 chu hmeichhiate tana hauh (Reserved Seat) a nih thu a sawi a. Polling Station 71-ah Voting Compartment 104 siamin General Observer pakhat ruat a ni bawk ang.

Comments

Chhiar Hlawhte