Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

India-ah Sample enfiah atanga 8.71% in hri kai

India ramah COVID-19 hri leng mek avangin mi 3,17,42,782 te Sample enfiah a ni tawh a, heng atang hian hri kai 27,67,273 hmuhchhuah niin hei hi Sample enfiah atangin zaa 8.71 a ni.

Ministry of Health & Family Welfare chhinchhiah danin darkar 24 kalta chhung khan India ramah Sample 8,01,585 enfiah leh niin heng te nen hian India rama Sample enfiah chu 3,17,42,782 an tling tawh a, heng atang hian hri kai 27,67,273 hmuhchhuah niin hri kai hmuhchhuah hi Sample enfiah atangin zaa 8.71 a tling tawh a ni.

Darkar 24 kalta chhung khan India ramah hian hri kai 64,531 hmuh leh an ni leh bawk a, enkawl dam pawh 60,091 awmin tun thlenga hri kai enkawl dam chu 20,37,870 an ni tawh a, hri kai hmuhchhuah atangin zaa 73.64 te chu enkawl dam an ni tawh a, tunah hian hri kai enkawllai 6,76,514 an la awm mek a, nunna chan mi 52,889 an awm tawh bawk a ni.

Comments

Chhiar Hlawhte