Kumin-a Teachers' Day hman dan tur rel a ni

Kumin-a Zirtirtute Ni, Teachers' Day lo thleng tur chu COVID-19 avanga School kal theih loh lai anih avangin naupangte nen puipunna siam lovin hman tura ruahman a ni.

Nimin khan Secretariat Conference Hall, Aizawl-ah State Level Working Committee for Celebration of Teachers' Day chu School Education Minister, Lalchhandama Ralte hova thukhawmin kumin September 5-a Teachers' Day hman dan tur an sawiho a, he hunah hian School Education Minister, Lalchhandama Ralte chuan Teachers' Day chu rampum huapa ni pawimawh, ram hruaituten thuchah an sawi thinna a ni tih sawiin, kumin ah School kal theihloh anih tak avangin kumdang anga hman theih a ni lo chu pawi a tih thu a sawi a. A theih chin chinah zirtirtute zahna leh chawimawina lantir tha a tih thu a sawi a. Kumdang anga he ni hman theih loh chu Pathian remruatah ngaiin, kumdangah an phu ang ngeiin ropui zawkin kan la hmang leh thei ngei ang tih beisei turin he huna tel te chu a chah bawk.

He Meeting-ah hian kumdanga lo tih thin angin Teachers' Day pualin Chief Minister leh School Education Minister te chibai bukna chanchinbu-ah chhuah ni se, School Education Minister-in Teachers' Day thuchah sawi se, TV leh All India Radio Aizawl leh FM Channel-ah te puan chhuah nise an ti a. District tina khawpui lian zualah te uar zawkin he ni pual hian Banner tar nise, Zirtirtu natna khirhkhan tuarte tanpui nan zirtirtuten thawhlawm thawh leh nise, Zirlai naupangte erawh chu thawh tir loh nise an ti a ni.

Comments

Chhiar Hlawhte