India ramah hri kai pung zel

Nimin thleng khan India ramah Swab Sample 2,52,81,848 enfiah ni tawhin heng atang hian hri kai 22,68,675 hmuhchhuah an ni tawh a, Sample enfiah atanga zaa 8.97 te chuan COVID-19 hri an kai tih hmuhchhuah a ni.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah sample 6,98,290 enfiah leh niin heng atang hian hri kai 53,601 hmuh thar leh an ni a, heng te nen hian India rama Sample enfiah chu 2,52,81,848 niin hri kai hmuh zawng zawng chu 22,68,675 an tling tawh a, tunah hian mi 15,83,489 te chu enkawl dam ni tawhin hei hi hri kai hmuhchhuah atangin zaa 69.79 chu enkawl dam an ni tawh a, tunah hian hri kai enkawllai 6,39,929 an awm mek bawk a ni. India rama hri kai hmuhchhuah atang hian nunna chan mi 45,257 an awm tawh bawk.

    Mizoram-ah pawh nimin thleng khan CO-VID-19 hri kai hmuhchhuah mi 623 an awm tawh a, heng te hi mipa 506 leh hmeichhia 117 te niin heng zinga mi 323 te chu enkawl dam ni tawhin mi 300 te chu enkawl mek an la ni a, hri kai hmuhchhuah atanga chhutin enkawl dam hi zaa 51.84 an tling tawh a ni.

Comments

Chhiar Hlawhte