Vairengte-a Duty te tan MPYCC in hmanrua an pe

Congress Thalai, Mizoram Pradesh Youth Congress Committee (MPYCC) chuan Vairengte Checkgate-a COVID-19 Sample test-tute hman turin PPE leh Mit leh hmai venna hmanrua an pe.

Congress Thalaite hian COVID-19 hmatawnga thawkte harsatna zualpui phuhruk nan Vairengte Checkgate-a COVID-19 Sample test-tute hman turin heng hmanrua te hi Inrinni khan Health Department Director hnenah pein PPE Jump Suit set 40 leh Protective Goggles set 10 te a ni a, heng hmanrua te hi Department hian Vairengte lamah an thawn tura pek a ni.

MPYCC President, Dr. Lalmalsawma Nghaka chuan PPE leh Protective Goggles an pek chhan sawiin tunhnaiah Vairengte-a Sample laknaah PPE indaihlohna a nasa niin an hriat thu a sawi a, PPE ren avangin darkar 12 chhungte a ngai hak an ngai nia report an dawn thu sawiin, “Sawrkar hian kan Frontline Worker-te an him nana an mamawh bungrua hi khailak miah lova thuneituten an ngaihtuah sak kan phut a ni,” a ti bawk. MPYCC President chuan Frontline thawktute himna tur chu Sawrkar in nasa zawka ngaihtuaha PPE te pawh an indaih tawk pe tura an phut thu a sawi bawk.

Comments

Chhiar Hlawhte