VC/LC inthlan sawn tumna a awmlo tih sawi

Mizoram State Election Commisioner, Laima Chozah chuan Local Council leh Village Council inthlan sawn tumna a awmlo tih a sawi.

Hripui leng vanga inthlan hun sawn hlat a nih leh nih loh tur zawhna chhang in State Election Commissioner chuan VC/LC term chu tum thum lai pawhsei a nih tawh vangin inthlanpui neih vat chu a tul tawh tih a sawi a, harsatna liantham tak a awm a nih loh chuan tun dinhmunah inthlan sawn tumna a awm lo tih a sawi bawk.

Mizoram State Election Commission chuan Mizoram-a Local Council leh Village Council inthlanna hi tun thla ni 27-a neih turin a ruahman a, he inthlan chuh tumte tana hming pekluh hun hi nimin tlai dar 3:00 khan kharin heng hming pekluh te hi nimin vek khan enfiah nghal a ni bawk. Tun tuma Local Council 83-a inthlanna neih turah hian AMC huamchhung ah vote nei mi 2,18,758 awmin seat 545-ah hmeichhe tana seat hauh chu 148 niin General ah seat 397 a awm a. Village Council 558-a inthlanna neih turah hian Seat 2464 a awm a, General-ah Seat 1831 awmin Seat 633 te chu hmeichhia te tana hauh a ni a, VC inthlanna turah hian vote nei mi 4,54,180 an awm a ni.

Comments

Chhiar Hlawhte