VC Inthlan ah Vote tla tha

Niminpiah-a Serchhip District chhung VC 54-a inthlanna neih zawh taka Vote tlak dan chu hriatchian theih a ni ta a, he inthlanna ah hian Vote nei mi 47,070 atangin mipa 18,547 leh hmeichhia 19,394, an vaiin mi 37,941 ten Vote an thlak a, Vote nei zawng zawng atanga chhutin zaa 80.61 ten Vote an thlak a ni. Serchhip District chhung VC hrang hrangte zingah Buangpui VC-ah Vote tla tha berin Vote nei 301-ah mi 284 ten Vote thlakin Vote 94.35% a tla a, Hriang-tlang VC-ah Vote 93.47% tlain Thenzawl Veng-thar VC-ah 92.50% a tla bawk.

Tun tuma inthlanna ah hian a tlangpuiin Vote a tla tha niin a lang a, Serchhip District-a VC hrang hrang zingah Vote nei zawng zawng atanga chhutin zaa 70 aia tlem tlakna a awm lova, Vote tlak thatlohna ber nia hriat Mualpui Chhingchhip VC-ah chuan Vote 70.60% a tla a, East Lungdar VC chuan dawtin Vote 72.43% a tla bawk a ni.

Comments

Chhiar Hlawhte