Latest News

Sample thawn hri kailo

Niminpiah-a Serchhip atanga Swab Sample enfiah zingah hri kai hmuhchhuah thar an awm lova. Nimin khan Serchhip District-a hri kai enkawl pakhat chu dam-a chhuahtir niin Serchhip District-ah hri kai enkawllai mi 17 an la awm mek a ni. Serchhip CMO Office atanga thu kan dawn danin niminpiah khan ZMC Laboratory-ah Swab Sample 2 thawn niin Rapid Antigen Test hmanga enfiah Sample 2 thawn a ni bawk a, heng atang hian hri kai hmuhchhuah thar awm lovin heng Sample Test zingah hian hri kai enkawllai te pawh an awm bawk a ni.
Hetihlai hian Thenzawl CCC-a hri kai enkawllai pakhat chu enkawl dam a nih hnuah nimin khan CCC atang hian chhuahtir a ni a, he hri kai enkawl dam tak hi Aizawl District mi hmeichhia niin July 21 khan Thenzawl CCC-ah hian dahluh a ni.
Tun dinhmun ah Serchhip District-ah hri kai enkawllai mi 17 an la awm mek a, heng zinga pathum te hi Serchhip District atanga hri kai hmuhchhuah leh Dedicated COVID Health Centre (DCHC)-a enkawllai niin midang 14 te hi ZCM atanga Thenzawl AYUSH Hospital COVID Care Centre (CCC)-a enkawl tura rawn dah te an ni thung.

Comments

Popular News (Last 30 Days)