Zirna lama Mamit-a hmalakna tur tlangzarh a ni

Mamit District Bawrhsap, Dr. Lalrozama IAS chuan nimin khan Rural Electrification Corporation Limited (REC) Corporate Social Responsibility (CSR) Fund hmanga zirna lama Mamit District hmasawnna tur, Child Traking Software chu tlangzarhin, School hrang hranga hman tur Water Filter leh Water Tanky te a vailiam. Hemi puala inkhawm tawi neih ah Mamit DC chuan Mamit District chu India rama District hmasawn ngai zual zinga chhiar a nih angin tehfung hrang hrang 49 hmangin thlatin teh thin a ni tih sawiin, hmasawnna hna thawhna tur awm angah te thahnem ngai taka thawk turin a chah bawk.
Mamit District hi Niti Aayog hmalakna Central PSU te atangin CSR hmanga tanpui tur niin REC Ltd nen Education Sector bika hma an sawn theihnan cheng vbc. 8.79 a tanpuina tur Memorundum of Agreement (MoA) ziah a lo ni tawh a. Hmasawnna hna thawhna tura inremna zingah Schools with functional Drinking Water, Learning outcome, Transition from Primary to Upper School leh Transition from Upper Primary School to Secondary te niin Sikul 245-ah Water Filter dah tur niin Sikul 144-ah Water Tank dah a ni bawk a. Water Tank lei nan hian cheng nuai 20.16 sen niin Water Filter lei nan hian cheng nuai 8.57 ruahman a ni bawk.
Hei bakah hian Child Tracking Software kalpui tur niin he project hian a tum ber chu zirlai naupang zawng zawng te an sikul kalna leh insawnnate awlsam taka chhuichhuah zung zung niin cheng nuai 10 ruahman a ni a, Block Resource Centre (BRC) tinah sikul naupang Data te chu web portal hmanga upload tur niin, heng data lakkhawm te hi website : childtrakingexp.000webhostapp.com ah en theih tura duan a ni.

Comments

Chhiar Hlawhte