Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

VC inthlan training neih a ni

Village Council inthlanpui neih tura Serchhip District chhunga Presiding Officer leh Polling Officer tura ruat te tan nimin khan Training neih a ni. Tun thla ni 27-a Village Council inthlanpui neih tur chu felfai leh thianghlim taka neih a nih theih nan hmalak chhunzawm zel a ni a, nimin khan he inthlanna buaipuitu tur Presiding Officer leh Polling Officers turte tan an hnathawh dan tur zirhona chu Serchhip DC Conference Hall-ah neih a ni a, Village Council inthlan buaipui tur hian VC area tinah Presiding Officer pakhat zel leh Polling Officer pahnih zel awm tura rua-hman niin nimin a training-ah hian District chhung VC Area hrang hrang atangin he hna thawk tura ruat te an tel tha hle a, Serchhip Election Officer, Vanlalhmachhuana bakah North Van-laiphai SDO (C), Dorothy Muansangi leh SDC, F. Lalnisai te chuan inthlan buaipui dan hrang hrangte an zirtir a ni.

Comments

Chhiar Hlawhte