Zirlai Exam turte dang; MZU in Exam hun sawn rih

/

Aizawl khaw Pawn Joint Students’ Union chuan Mizoram-a Under Graduate Exam chu a ruala neih an phut avangin nimin khan Govt. Serchhip College Students’ Union te chuan zirlaite Exam tur dangin Exam hi kalpui theih a ni lo.

Mizoram sawrkar in nizan hmasa atanga Aizawl Municipal Corporation (AMC) huamchhungah Total Lockdown a puan hnuah Mizoram University-a Controller of Examination chuan AMC area huamchhunga Under Graduate Exam tur chu sawnin AMC pawnlam College te erawh chu Exam turin a  ti thung a ni.

Hetianga ruahmanna hi Aizawl Khaw Pawn Joint Students’ Union chuan duh lovin hei hian thil thui tak a nghawng theih dawn bakah zirlaite Exam Question chungchangah intluktlan tawklohna a awm thei dawn nia hriain, Exam hi rualkhai zawka Question inang chhan ngei an duh tih an sawi a. Zirlaite harsatna hrethiamin him taka Exam an neih theihna turin Exam hi Online in emaw kalpui turin an ngen a, hetianga Exam hi a ruala buatsaih tura ngaihtuah that a nih hma chu nimin atanga Exam neih tur chu boycott an tum tih sawiin, hemi ang hian Govt. Serchhip College-a zirlai Exam tura kal te chu an dang a, he hunah hian buaina thleng palh thei veng turin Police thahnem tak an kal nghal a, amaherawh chu buaina leh harsatna thleng lovin zirlaite hi an tin a, zirlai zingah Exam luih tum an awmlo nia thudawn a ni a. Hemi hnu hian Zirlai aiawhte leh College thuneitute chuan harsatna awm te hi sawihoin, hmalak zel dan turte pawh an sawiho nia thudawn a ni bawk.

Hetihlai hian Mizoram University-a Examination Department chuan Mizoram University hnuaia Semester hrang hrangte Exam nimin atanga neih tura lo ruahman tawh chu thulh rih a nih thu nimin khan thuchhuah siamin a tar-lang a, hei vang hian harsatna thleng zui rihlo tura ngaih a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »