Social Media a tha zawnga hmang turin zirlaite chah

MZP General Hqrs. President, B. Vanlaltana chuan Zirlai ten Social Media chu a tha zawnga hman nachang hria se a duh thu a sawi.

MZP Sub-Hqrs. Lungsen-in kumin a zirlai tithate chawimawina hun nimin-a Lungsen BDO Conference Hall-a an buatsaih a hmanpuina ah he thu hi sawiin MZP General Hqrs. President, B. Vanlaltana chuan Social Media chu thalai tam tak chuan thil thalo tih nan leh ngaihdan mawlmang tak tak au pui nan an hmang tih sawiin, finna leh hmasawnna chhar nan hmang thiam turin a chah a, a tha zawnga hman nachang hre tura chahin, Zirlai an nih anga lehkhabu chhiar taima deuh deuh tur leh lehkhabu chhiar hmanga finna chhar belh ngei turin a chah bawk.

Hei bakah hian MZP President chuan zirlai titha an chawimawi te chuan hlawhtlinna tak tak nei tura thil pawimawh tak, nu leh pa thuawih tlat na nei turin a chah a, “Vawiin a kan hun hman hi nangmahni ti chaktu leh nangmahni ah huaisenna petu che u ni ngei se kan duh a. In kal zelna turah khawtlang leh ram leh hnam tana rilru pe thar zel turin kan beisei zel dawn che u a ni,” a ti bawk.

MZP Sub-Hqrs. Lungsen hian MBSE hnuaia HSLC & HSSLC pass thar mi 31 te hnenah lawmpuina leh chawimawina thilpek an hlan a ni.