Serchhip-ah Heroin man

/
Serchhip Police te chuan Zirtawpni tlai khan Serchhip-ah Heroin manin hemi kaihhnawih ah hian mi 3 pawh man-in thubuai siam sak nghal an ni. Serchhip Police ten Heroin an man hi Hawng 2 (Gram 17.49) niin tualchhung hralhna rate chuan Rs. 250,000/- hu vel nia chhut a ni a, heng ruihhlo neitu a hriat H. Lalremruata (30), New Serchhip Sihphir Veng nia insawi leh R. Lalro-mawii, Electric Veng Aizawl-a khawsa thin, tuna New Serchhip Sihphir Veng-a khawsa ta nia insawi te chu man nghal an ni.
Thudawn danin heng mite hian Heroin hi Serchhip-ah an rawn keng nia hriat a ni a, Serchhip Police Station-a thawktute leh DSB-a thawktu ten theihtawp chhuaha an chhui hnuah Zirtawpni tlai khan New Serchhip Luiralmawi-a mi Thlam-a an dah chu an manchhuak a, he Thlam neitu leh awmchilhtu Hmangaihzuala nia inchhal pawh manin thubuai siam sak nghal a ni bawk. Heng Heroin an man te hi Sahbawn bawm-a dah a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »