AMC Mayor in Aizawl-ah Free Wifi a hawng

Aizawl Municipal Corporation (AMC)-in Aizawl khawpuia hman tur Free Wifi a buatsaih chu nimin khan AMC Mayor, PC. Lalhmingthanga chuan a hawng. AMC Auditorium-a Free Wifi hawnna hunah hian AMC Mayor chuan AMC-in November, 2016 atangin Aizawl khawpuia hmun 7-ah Free Wifi a lo pek tawh thu sawiin, kum khat vela kal hnuah Contractor lamin an tihthat theih tak loh thu leh tihchhunzawm theih a nih tak loh thu a sawi a. Tun tumah hian Contractor Express Wifi-te chu tha taka ti thei tura an beisei thu sawiin, “An performance kan en ang a, an tihthat chuan kan thawhpui zel ang a, tun aia zau zawk pawh thawhtir zel tlakin thawk tha se kan duh a ni,” a ti.
AMC Free Wifi hi Aizawl khawpui chhung hmun 24-ah hman theih a ni a, Hotspot 116 a awm a. Internet a pekchhuah theih chak zawng hi 5 Mbps a ni a, mi pakhatin ni khatah a thlawnin data 1.5 GB zel a hmang thei dawn a ni. AMC-in Wifi pe tura Contractor a thlan hi Express Wifi by Facebook an ni.

Comments

Chhiar Hlawhte