MZP ten Mizo mipuite zahlohna ah an ngai

/

Mizo Zirlai Pawl (MZP) General Hqrs. chuan tunhnaia Assam Rifles te chet dan chu Mizo mipuite zahlohna ah an ngaih thu an sawi.

Nimin a thuchhuah an siamah MZP General Hqrs. chuan Sawrkar in COVID-19 hri darh zel tur veng-a theihtawp chhuaha hma a lak laia August 18, 2020-a Assam Rifles ten sawrkar dan siam pawisa lova Vairengte Police Checkgate an paltlang lui chuMizo mipuite zahlohna ah an ngai tih an sawi a. Mizo mipuite leh tlang mite thian nia inchhal Assam Rifiles te chet dan chu an dem takzet tih sawiin, hripui thehdarh pawh an pawisa lo tihna a nih thu leh heng mite chunga hremna lek ngei turin MZP chuan Brig. Vinod S pawh an phut thu leh a tul anga hma la turin Mizoram sawrkar leh thuneitute pawh an ngen thu an sawi a. Ministry of Home Affairs a he thil thleng chungchang hi thlen ngei tura an beisei thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »