Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

ILP enfiah hna thawk

Central YMA in ruahmanna a siam angin nizan khan Serchhip Sub-Hqrs. YMA chuan an huam-chhunga Branch hrang hrangah hnamdang Mizoram-a awm te Inner Line Permit (ILP) enfiah hna Serchhip Police te nen tangkawpin an thawk a, tumdang-a ILP fello an man te Police in an lak-khawm thin chu hripui leng avanga a remchan loh avangin ILP fello leh hmang diklo te chu an hming leh anmahni biakpawhna te lakhawmin a tul angin Police ten an buaipui zui dawn a. He thu buatsaih lai thleng hian ILP fello leh hmang diklo manchhuah zat hi hriat theih ala nilo thung.

Comments

Chhiar Hlawhte