PRISM Party in SEC-ah ngenna an thlen

PRISM Party chuan Village Council inthlanna neih turah Tripura-a cheng Bru te vote thlak tir leh Candidate ni thei tura tih chu sut leh turin Mizoram State Election Commission-ah an thlen. Hemi chungchanga nimin a SEC-a thu an thlen ah PRISM Party chuan Village Council leh Local Council inthlanpui chhunga inkaihhruaina kalpui dan tur tihchhuah ah Bru Refugee Voter te Electoral Roll-ah telh an nih thu leh an in candidate emaw, vote an thlak duh a nih chuan an hming chuanna ah an tih theih thu tarlan a ni tih an tarlang a. Bru te chu Refugee an ni lo tih sawiin, kumin January 16-a inremna lo siam tawh ah Mizoram-a kir duhlo te chu Tripura-ah an inbengbel ang a, ni 15 chhungin Permanent Resident ni tura tifel tur leh tanpuina pawh Central atanga engkim an dawn tur thu mipui hmaah puanzar a ni bawk tih an tarlang a, Mizoram khua leh tui pangngai ni lote, khua leh tui chanvo hlu ber pek tum chu an duhloh thu an tarlang a ni.