I-Day atan inbuatsaihna peih

/

Serchhhip District Bawrhsap, Kumar Abhi-shek chuan Vawiin-a India Independence Day lo thleng tur atan inbuatsaihna peihfel a nih tawh thu a sawi.

Nimin chawhnu-a Serchhip District MJA member te Serchhip DC Meeting Hall-a a kawmna ah District Bawrhsap, Kumar Abhishek chuan India Independence Day lo thleng tur chu hripui leng avangin kumdanga hman thin dan anga hman theih a nih dawnloh thu a sawi a, Vawiin chawhma dar 11:00-ah Serchhip DC Office tual-ah Home Minister, Lalchamliama chuan India Hnam puanzar pawtparhin GAD in kaihhruaina a siam angin Parade a awm dawnloh thu leh Head of Offices te an tel dawn thu a sawi a, hripui leng avanga Community Quarantine Centre atana an hmunhma te hmantirtute hnenah lawmthu sawina hlan a nih dawn thu sawiin, Election Model Code of Conducts puan a nih mek avangin Programme dang a awm dawnloh thu leh sawm bikte tan chhun dar 12:00-ah VIP at Home buatsaih a nih dawn thu a sawi bawk.

Nimin a Bawrhsap in MJA hruaitute a kawmna hunah hian Serchhip Addl. DC thar, Lalmuansanga Ralte pawh telin thuthar theh-darhtute nen thawhhona tha tak an neih a beisei thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »