Vaccine Dose 2-na pe tan

Nimin atang khan Serchhip District-ah COVID-19 Vaccine Second Dose pekchhuah tan niin nimin vek khan Frontline Worker te hnenah Dose khatna pek leh a ni bawk.

    Kumin January 21-a Serchhip District chhunga Health Care Workers te hnena COVID-19 Vaccine Dose khatna pek a nih hnuah ni 28 a tlin tak avangin heng mite hnenah hian nimin atang khan Dose 2-na hi pek ve leh tan a ni a, nimin khan Serchhip-ah mi 71 leh Thenzawl-ah mi 62, an vaiin mi 133 te hnenah Dose 2-na hi pek a ni. Nimin vek khan Frontline Workers te hnenah Vaccine Dose 1-na pek chhunzawm leh niin Thenzawl-a mi 85 te hnenah hri danna hi pek leh a ni.