Mizoram mi leh sa chhawr tawh turin ti

Assam leh Mizoram ramri Bairabi Zophai-a Mizo leilet enkawltu atan Mizoram mi leh sa ngei chhawr tawh turin Kolasib District Magistrate chuan thupek a chhuah.

    Kolasib District Magistrate Dr. H. Lalthlangliana hian February 17 khan thupek chhuahin, Bairabi Zophai-a leilet nei zawng zawngten a theih hram chuan Zohnahthlak ngei chhawr turin a ngen a, hnamdang chhawr turte pawhin Mizoram khua leh tui chauh chhawr tum tur a nih thu leh, hetiang hmu zo lo, State pawn mi chhawr tur ten ILP an siam sak ngei tur a nih thu a tarlang a, hnamdang chhawr ten intiamkamna ziakin, leilet an enkawl chhung chauh an cheng thei ang tih a tarlang bawk a ni.