Latest News

Congress Party in infuihtharna hun hmang

Serchhip bial-a Assembly bye-election neih tur atana inpuahchahna hmahruai atan Serchhip Block Congress Committee chuan nizan hmasa atang khan Serchhip khawchhung hmun thenkhatah infuihtharna hun an hmang.

Serchhip Bial-a Assembly Bye-Election lo awm tur atan hian Serchhip Block Congress Committee ruahmanna angin January 29, 2021 khan Serchhip-a VC Area tinah Campaign Committee din fel a ni tawh a, hemi bawhzuina zelah nizan hmasa khan Block hruaitu thenkhat chuan Serchhip II, Serchhip-VIII leh New Serchhip North VC Area-ah te Campaign Committee te nen infuihna hun an hmang a, Bye-Election lo awm turah Congress Party chuan beisena thar an neih thu te, ZPM chu a tira thlantlin an nih chhan, Movement anga an kal tawhloh avang leh Political Party dik tak an nih ve hnuah Neutral an nihna a hniam tawh hle ni te in an sawi a ni.

Serchhip Block Congress Committee hruaitute chuan Serchhip Bial chu hun rei tak chhung Chief Minister bial a nih avangin tun hmain ‘Mahni bial mi ngei’ tih a harsa thin tih an sawi a, tun tum Bye-Election lo awm turah erawh mahni bial mi ngei candidate an nei ve thei dawn tih sawiin, Serchhip Bial a ding tura an Party lamin an ruat fel titih tawh, PC. Laltlansanga chu MZP hruaitu anih lai pawh a pawl nung taka hruaitu, thalai te nun hrechiangtu anih thu te, House ah pawh Pu Duhawma aia tha zawk tur anih thu te an sawi bawk a ni.

Comments

Chhiar Hlawhte