Latest News

Bye-election ah Candidate 5 lai an awm hmel

Peoples' Conference (PC) Party chuan Serchhip bial-a Assembly bye-election lo awm turah an Candidate tur an tifel tawh tih sawiin, inthlan puan hunah an puan tur thu an sawi.

PC Party hian nimin khan an President, Lalhmangaiha Sailo kaihhruaia OB Meeting neiin Serchhip Assembly Constituency Bye-Election atana an party candidate tur an ruat fel tih an sawi a, inthlan puan hunah candidate tur hi puan chauh nise an ti tih an sawi a, hetihlai hian an Party Sr. Vice President, Vanlalruata chu din tir an tum nia thudawn a ni bawk.

Serchhip bial-a Assembly bye-election lo awm turah hian ZPM Party chuan MLA atanga ban tak, Lalduhoma chu an din tir dawn tih an puang hmasa ber a, hemi hnu hian MNF Party chuan an Party Vice President, Vanlalzawma an din tir dawn tih puangin Indian National Congress (INC) chuan PC. Laltlansanga an din tir dawn tih an puang ve leh a. Tunhnai khan BJP Mizoram Pradesh pawhin Serchhip bial-a Assembly bye-election lo awm tur chu Party mal-a an chuh tur thu leh inthlan hun tur puan a nih hunah Candidate tur an puan tur thu a sawi bawk a. Heti hian Serchhip bial-a bye-election lo awm turah hian Candidate mi 5 lai an awm dawn ta niin a lang a ni.

Comments

Chhiar Hlawhte