Latest News

Serchhip-ah Gas buk tlinglo bur 60 man

Nimin khan Serchhip-ah Legal Metrology Enforcement Staff te chuan Gas buk tlinglo bur 60 manin Vawiin hian enfiah chhunzawm leh a ni ang.

Thudawn danin heng eirawngbawlna Gas buk tlinglo an man tak te hi AS-11/BC-2128 in Inrinni kalta-a Borkhola Bottling Plant atanga a rawn phurh niin niminpiah khan Serchhip an rawn thlenpui a, nimin khan Serchhip Tuikhuah Veng-ah mipuite hnenah semchhuah nghal a ni a, bur 30 vel semchhuah a nih hnuah Serchhip Chhim Veng-a sem chhunzawm tura Motor dang-a hlanchhawn laiin Mizofed Serchhip Branch-a thawktute chuan a buk a zang nia an hriat avangin Legal Metrology Enforcement Staff te an ko a, Legal Metrology Inspector, Johny Zonunmawia leh a thawhpui ten an enfiah hnuah Gas buk tlinglo bur 60 hi manin nimin-a an buk bak pawh hi Vawiin- ah buk leh tur a ni ang.

Legal Metrology Inspector, Johny Zonun-mawia chuan heng Gas rawn thleng te hi a chunglam ah a hnunglam chiah hawn theih a nih avangin a theih anga an enfiah thu leh a vai-a enfiah vek theih a nih loh avangin an enfiah theih bak chu Gas semna hmunah enfiah chhunzawm a nih thu a sawi a, hei vang hian mipuite pawhin Gas an la dawn a nih chuan buk tling ngei a ni em tih enfiah thin se a duh thu a sawi a. Tun tuma Gas buk tlinglo an man te hi bur khat zelah Kg. 1 atanga Kg. 2 thleng vela tlinglo a nih thu leh heng te hi thawnlet a nih tur thu a sawi bawk.

Nimin-a Gas buk tlinglo an man phurtu hi Nazmul Laskar (26), Silchar nia insawi a ni a, he Motor khalhtu hian Driver dik tak a nih loh thu sawiin, Driver dik tak chu Abul Lasker a nih thu leh Inrinni-a Bottling Plant atanga Gas a lakchhuah hnuah Motor atang hian chesualin a malpui ruh a tliah avanga a rawn kal sak thu a sawi a, hei vang hian Gas buk tlinglo hi a hriat-thiam loh thu leh ani hi chuan Truck lian dang a khalh thin thu a sawi bawk a ni.

Comments

Chhiar Hlawhte