Latest News

Participatory Budgeting Initiative kalpui tan a ni

Tualchhung hmasawnna tur ruahmannaa mipuite tel ve theihna tura Lunglei DLAO leh VC te duan, Participatory Budgeting Initiative chu Mizoram-ah a vawikhatna atan kalpui a ni ta.

He ruahmanna kalpui hmasakna tur atan hian Lunglei Salem Veng chu thlan niin Inrinni khan mipui ten vote an thlak a ni. He ruahmanna siamah hian mipui nawlpuiin Vengchhung hmasawnna tura tha an tih te chu Lehkha leh Social Media hmangin an thawhkhawm a, hei hi thlifim lehin hmasawnna hnathawh tur lian bik pathum thlangchhuak turin mipuite hian vote an thlak leh a ni. Hnathawh tur mipuiin an thlanchhuahte hi LAD atanga VC te'n pawisa an hmuh tur bakah kawng hrang hrang atanga sum lut hmanga tihhlawhtlin a nih tur thu Lunglei DLAO, J. Mialung chuan a sawi bawk.

He ruahmanna hi Lunglei District chhunga Village Council pathum- Salem Veng, Ralvawng leh Pukpui VC-ah te kalpui hmasak tura ruahman a ni.

Comments

Popular News (Last 30 Days)