Latest News

AMC-a Vote tla Vawiin-ah chhiar a ni dawn

Aizawl Municipal Corporation (AMC) inthlanna a Vote tla te Vawiin-a chhiar turin inbuatsaihna peihfel a ni tawh.

Niminpiah-a AMC inthlanna a mipui ten tluang taka Vote an thlak hnuah Vawiin hian inthlanna a Vote tla te hi a ruala chhiar a ni dawn a, ruahman lawk ang chuan Vote tla te hi chawhma dar 10:00 atangin Pachhunga University College-ah chhiar a ni dawn a, Vote tla te chhiarna tur hmun hi nimin tlai khan State Election Commission (SEC) hotute chuan a hmunah tlawhin inbuatsaihna te an thlir a, SEC Secretary Teresy Vanlalhruaii chuan Vote chhiar te hi SEC Website-ah update nghal zel a nih dawn thu kan Palai hnenah a sawi a ni.

AMC inthlan vawi 3-na ah hian mipui ten tluang takin Vote an thlak a, SEC chhinchhiah danin AMC huamchhunga vote nei mi 2,20,112 atangin 1,40,037 in vote an thlak a, AMC inthlan hnuhnung ber 2015-a vote tla zaa 63.55 aiin kumin inthlanah hian vote tla a pung hret a, vote zaa 63.62 a tla a ni. AMC Ward 19 zingah Ward No. 12-ah vote a tla tha ber a, vote nei 12,557 atangin 8879, zaa 70.71 ten vote an thlak a, inthlan hnuhnung ber kum 2015-a vote tlak thatna ber, Ward No. 19-a vote tla zaa 68.49 aiin kumin inthlana ward-a vote tlak thatna ber hi a sang zawk a ni.

Comments

Chhiar Hlawhte