Latest News

Ui chungchangah khuahkhirhna Dan hmang dawn

Mizoram-ah phalna neilote tan Sumdawnna atan Ui zawrh leh hralh emaw, inthlahpuntir (Dog Breeding) emaw khap a ni.

Hemi chungchanga tun thla tir lama Mizoram sawrkar-a AH&Vety Department in thuchhuah siama a tarlan danin The Prevention of Cruelty to Animal Act, 1960 hnuaia Dan siam, Dog Breeding and Marketing Rule, 2017 leh Pet Shop Rule,2018 te chu ni May 23, 2017 leh September 6, 2018 a hman tan tura duan a lo nih tawh angin he Dan hi Mizoram-ah hman tur a tih a ni a. He Dan in a phut angin Registration Certificate tello chuan sumdawnna atan Ui zawrh leh hralh emaw, inthlahpuntir (Dog Breeding) emaw chu khap tlat a ni a. Registration Certificate neilo chuan ran dawr (Pet Shop) emaw, khawi hmunah pawh ran a mal emaw, a hlawmin emaw zawrh leh hralh phal a ni lo bawk a ni.

Registration Certificate hi Mizoram State Animal Welfare Board (MSAWB)-ah dil theih niin dilna Form hi Livestock Health & Disease Control Section, Directorate of AH & Vety Department, Aizawl-ah leh District tina AH&Vety Officers Office-ah man chawi tur bituk zat pawisafai (Rs. 5,000/-) pe in emaw, Demand Draft hmangin a lei theih anga, Form hi February 15, 2021 atangin pekchhuah a ni bawk. Registration Certificate tel lova ran hralh (Pet Shop), Ui inthlahpuntir (Dog Breeding) ang chi reng reng kalpui mek te chuan he hriattirna a chhuah atanga ni 60 ralhmain Registration an ti vek tur a ni tih thuchhuah ah chuan tarlan a ni bawk.

Comments

Chhiar Hlawhte