RCH hnuaia hmalakna zirho

Serchhip District chhunga Medical Officer te tan nimin khan Serchhip-ah ‘Sensitization and Training on Reproductive & Child Health Activities’ neih a ni.

Serchhip District chhunga Medical Officer te tana Reproductive & Child Health  Activities leh  Integrated Reproductive & Child Health  Register Version 2 chungchang zirhona hun hi Serchhip Press Club-ah neih niin he hun hi Serchhip CMO, Dr. Laldawngliana Sailo chuan a kaihruai a, he hunah hian Dr. Lily Chhakchhuak, SPO RCH (FW) leh RCH Team ten zirtirna an pe a ni.

He Training-ah hian Nu leh a naupai an lo hriselna tur leh Nu leh nausen thihna a lo tlem theihna tura hmalakna  Programme  hrang hrang te, Nu leh a nau pai in harsatna an tawh lohna tura thil chhinchhiah tur hrang hrang leh record vawnthat dan chungchang te zirho a ni.

RCH Register hi Sub-Centre tin ah vawn a ni a, Nu in nau a pai atanga nau an neih hnu thlenga nausen in enkawlna leh service a dawn zawng zawng fel taka chhinchhiah thin a ni a. Nu leh Nausen in harsatna an tawh loh nan leh Nausen laia thihna thleng awm lohna turin he register a naupiang zawng zawng ziahluh hi a pawimawh hle tih sawiin, Nu naupai zawng zawng Sub-Centre ah in register a turin Sawrkar chuan hma a la reng bawk a ni.