Latest News

MPCC in Lokayukta-ah FIR an thehlut

Mizoram Pradesh Congress Committee (MPCC) Vigilance Department chuan AMC ram lei chungchangah nimin khan Mizoram Lokayukta-ah FIR an thehlut.

Mizoram Lokayukta Chairman hnena lehkha an thehluh ah hian MPCC Vigilance Department chuan kum 2018 khan Aizawl Municipal Corporation chuan AMC Park siam nan Ailawng a Rinsangpuia s/o Seichhunga (L) Ram chu Rs. 98,00,000/- in a lei tih tarlangin, he ram in lei leh hralh chungchangah hian thil fello (Corruption) tam tak a awm ngei nia a lan thu an tarlang a. AMC Record-ah Rinsangpuia s/o Seichhunga (L) ram a niin, a ram hralhna man hi Rochhanmawia, Upper Republic in cheng nuai 40 a dawng ni a hriat a ni tih an tarlang a, Ailawng AMC ram leina ah hian Rochanmawia, Periodic Patta anih thu tar hmuh tur a awm thu an tarlang bawk a ni.

Hei bakah hian Aizawl Municipal Corporation hian Sihphir Neihbawi-ah Solid Waste Management Centre atan Zahmingliana s/o Siamhrima (L), Sihphir Neihbawi Ram chu cheng nuai 64 a lei a nih thu pawh tarlangin, hetihlai hian Zahmingliana s/o Siamhrima (L) hian a ram hralhna man hi cheng nuai 25 a nih thu a sawi nia tarlangin, cheng nuai 39 hi a chingpen ta nia a lan thu an tarlang a. Heng Ailawng leh Sihphir Neihbawi AMC Ram lei chungchanga Corruption a awm ngei ni a lang hi chhui chhuah sak a, hrem ngai an awm pawhin Dan ang tak a hremna pe turin an ngen tih an tarlang a ni.

Comments

Popular News (Last 30 Days)