Serchhip District-ah hri leng dona-a hlawh nei lova thawk tura inpe chhunzawm 12 an la awm

/

Serchhip CMO Office-a thawktute chuan hri leng avanga lawmman pe tura thawktu an sawm te chu ban an nih tawh avangin harsatna an tawk tih an sawi a, amaherawh chu hlawh nei lova thawk tura inpe an la awm avangin harsatna tawk zui lo tura an in beisei thu an sawi.

Serchhip CMO Office-a thawktute chuan hri leng avanga harsatna a thlen hnuah Serchhip District-ah hlawh nei lova thawk tura inpe mi thenkhat an awm bakah lawmman pek tura thawktu sawm belh an awm thu an sawi a, heng mite hi nikum September thla atanga December thla thleng lawmman pek an nih hnuah sawrkar chuan mamawh zualpui tihloh chu thawk chhunzawm tawhlo tura a tih avang leh mamawh zualpui chauh ruai tawh tura a tih angin mi 26 rawih chhunzawm an nih thu an sawi a. Heng mi 26 te pawh hi February 19, 2021 khan ban leh an ni tih sawiin, hemi atang hian Sample enfiah leh Vaccine pek chungchang ah harsatna an tawh nghal thu an sawi bawk.

Serchhip CMO Office-a thawktute chuan hetianga lawmman pek tur a awm tawhloh avanga hnathawktu an sawm te ban an nih hnuah hian Serchhip District-a hri leng avanga hlawh nei lova thawk tura inpe te zingah hlawh nei lova thawk tura inpe zui an la nei leh tih sawiin, heng mite zarah hian harsatna erawh an tawk zuilo tih an sawi a, tuna hlawh nei lova thawk tura inpe an la neih te hi Staff Nurse 3 (Khawlailung, Keifang leh Cham-phai khua pakhat theuh), Lab. Technician 4 (Serchhip 2 leh Chhingchhip leh Thenzawl pakhat ve ve), Health Worker 4 (Ser-chhip vek) leh Helper pakhat (Thenzawl) te an ni a, heng bakah hian National Health Mission (NHM) hnuaiah Nurse pakhat leh Helper pathum te chu March thla thleng rawih an la nih thu an sawi bawk.

Serchhip District-a Volunteer awm mek te :

Jessica Lalremruati, P&E Veng, Serchhip (Lab. Tech)

C. Lalengmawii, Bazar Veng, Serchhip (Lab. Tech)

V. Lalhruaitluangi, Thenzawl Vengthar (Lab. Tech)

Vanrampari, Chhingchhip Venghlun (Lab. Tech)

Samuel Lalrindika, Chhiahtlang Chhim Veng (Health Worker)

V. Lalmuankimi, Serchhip Bazar (Health Worker)

Lalremruati, AOC Veng, Serchhip (Health Worker)

Jennifer Malsawmzuali, Serchhip Vengchung (Health Worker)

Lalnubawihi, Khawlailung (Nurse)

HT. Lalfakzuali, Champhai (Nurse)

R. Lalrinsangi, Keifang (Nurse)

R. Rinsangzuali, Thenzawl (Helper)

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »