Lunglei-ah Malaria umbo dan tur sawiho a ni

Nimin khan Lunglei-ah Malaria umbo anih theih nana hmalakna dan tur ngaihtuahin Lunglei District Task Force for Malaria Elimination thutkhawm neih a ni.

    He thutkhawm-ah hian kum 2019 khan Lunglei District-ah Malaria vei mihring 1000-ah 15 zel awm ang niin mitthi 3 an awm thu tarlan a ni a, kum kalta 2020-ah October thla thlengin Malaria vei mihring 1000-ah 16 awm ang an nih thu leh nunna chan mi pakhat an awm thu tarlan a ni a. Lunglei District chu Mizoram-ah Malaria vei tamna ber 2-na a nih thu leh kum 2019 leh 2020-ah phei chuan Malaria hi a pung nasa hle tih tarlan a ni bawk. He hunah hian Malaria umbo tura hmalakna tur hrang hrangte sawiho niin Department hrang hrangte nen thawhho a tul thu te pawh tarlan a ni bawk.