Mizoram-ah hri kai thar 3 leh dam 5 an awm

Niminpiah khan Mizoram-ah Sample 1179 enfiah niin heng atang hian COVID-19 hri kai mi pathum hmuhchhuah leh an ni.

Niminpiah a hri kai hmuhchhuah te hi Rapid Antigen Test hmanga Sample enfiah 1052 atanga hri kai hmuhchhuah te vek niin Aizawl District-ah mi pahnih leh Lawngtlai District-ah mi pakhat an ni a, Aizawl District-ah hian Hostel a lut tur mi pakhat leh Private damdawi in-a inentir tur hri kai pakhat ve ve hmuh niin Lawngtlai District-ah hian Hostel-a lut tur zingah hri kai mi pakhat hmuh a ni bawk a ni.

Niminpiah khan ZMC Laboratory-ah Sample 93 enfiah niin hri kai hmuhchhuah an awm lova, District hrang hranga TrueNat Laboratory-ah Sample 34 enfiah niin hri kai hmuhchhuah an awmlo bawk a ni.

Hetihlai hian nimin khan Mizoram-a hri kai enkawl mi 5 te chu hri lakah fihlimin anmahni enkawlna hmun atanga chhuahtir leh an ni a, heti hian nizan dar 7:30 thleng khan Mizoram-a hri kai hmuhchhuah chu 4386 niin hri kai zingah hian 4358 te chu enkawl dam an ni tawh a, hri kai hmuhchhuah atanga za zela 99.36 te chu enkawl dam ni tawhin tunah hian hri kai enkawllai 19 an la awm mek a, hri kai zingah nunna chan mi 9 an awm tawh bawk a ni.