Hri kai hmuh thar awmlo; mi 2 enkawl dam thung

Zonuna Kawlni /

Niminpiah khan Mizoram-ah Sample 327 enfiah niin heng atang hian COVID-19 hri kai hmuhchhuah thar an awm lo.

Sawrkar thuchhuah in a tarlan danin niminpiah khan ZMC Laboratory leh District hrang hranga TrueNat Laboratory te chu khar niin Sample enfiah a awm lova, District hrang hrangah Rapid Antigen Test hmangin Sample 327 enfiah niin heng atang hian hri kai hmuhchhuah an awmlo bawk a ni.

Hetihlai hian nimin khan Mizoram-a hri kai enkawl mi 2 te chu hri lakah fihlimin anmahni enkawlna hmun atanga chhuahtir leh an ni a, heti hian nimin tlai dar 5:00 thleng khan Mizoram-a hri kai hmuhchhuah chu 4409 niin an zinga 4379 te chu enkawl dam an ni tawh a, hri kai hmuhchhuah atanga za zela 99.32 te chu enkawl dam ni tawhin tunah hian hri kai enkawllai 20 an la awm a, hri kai zingah nunna chan mi 10 an awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »