KVK mithiam te nen Balhla chin dan zirhona nei

North Vanlaiphai KVK-a mithiamte chuan nimin khan Serchhip District chhung Mualcheng khua a Balhla chingtute chu nimin khan Training leh Field Visit (Demonstration & Practical) hun an hmanpui.

Central Institute of Horticulture (CIH), Medziphema, Nagaland bultuma neih he Training leh Field Visit hi Mualcheng VC Hall-ah neih niin Mualcheng Co-operative Farming Society-a Balhla Cell Chairman, Ramfangzauva chuan a kaihruai a, KVK North Vanlaiphai-a Subject Matter Specialist (Horticulture), Vanlalhmuaka Ngente chu Resource Person atan hman a ni.

He hunah hian Resource Person chuan Balhla chingtute leh ching thar tur kalkhawm te hmaah hian ‘Scientific Cultivation of Banana’ leh ‘Diseases & Pest Management in Banana’ tih thupui hmangin zirtirna a pe a, hemi hnu hian Balhla chingtute nena inkawmhona (Farmers-Scientist interaction) hun an hmang zui bawk. He inkawmhona hunah hian Balhla chingtuten an harsatna hrang hrang leh an hriat duh te zawtin, Balhla chingtute hian abikin a kung nget (Banana Psedo-Stem Weevil) chungchangah harsatna an tawh nasat thu sawiin, a enkawl dan tur inhrilh-hriatna neih nghal a ni. He Training-ah hian mi 35 vel telin Training zawh hnu hian Demonstration leh practical hun hman chhunzawm a ni a, Balhla bu hlawk zawka thar a nih theih nan Banana Bunch feeding tihdan a tak-a tih chhin a ni bawk