Latest News

Hri kai hmuh belh awmlo; nunna chan 1 awm thung

Pathianni khan Mizoram-a Sample enfiah atangin COVID-19 hri kai hmuhchhuah an awm lova, nimin zing khan COVID-19 hri kai te zingah nunna chan pakhat an awm thung.

Pathianni khan ZMC Laboratory-ah Sample enfiah awm lovin District hrang hranga TrueNat Laboratory-ah Sample 14 enfiah a ni bawk a, Rapid Antigen Test hmangin Sample 114 enfiah a ni bawk a, heng Sample enfiah 128 te atang hian COVID-19 hri kai hmuhchhuah an awmlo a ni.

Hetihlai hian Mizoram-a COVID-19 hri kai enkawllai T. Pazawna (82), Aizawl Ramhlun North chu nimin zing khan a boral thung a, sawrkar thuchhuah in a tarlan danin T. Pazawna hi January 30 khan Aizawl-a damdawi In pakhat-ah inentir tura kalin hetah hian COVID-19 hri a kai tih hmuhchhuah a ni a, ZMC-ah admit nghal niin ICU-a enkawl a nih mek laiin nimin zing dar 6:00 khan a boral zui ta a, Mizoram-ah COVID-19 hri kai mi 10 in nunna an chan ta a ni.

Nimin khan Mizoram-a COVID-19 hri kai enkawl mi pakhat chu hri lakah fihlimin anmahni enkawlna hmun atanga chhuahtir a ni ve leh a, heti hian nimin tlai dar 5:00 thleng khan Mizoram-a COVID-19 hri kai hmuhchhuah chu 4392 niin hri kai zingah enkawl dam 4367 an awm ta a, hri kai za zela 99.43 te chu enkawl dam ni tawhin tunah hian hri kai enkawllai 15 an la awm mek a, hri kai zingah nunna chan mi 10 an awm ta a ni.

Comments

Popular News (Last 30 Days)