Hnahthial-ah ni 15 awh Ar vulh zirhona nei tan

Core Team on Skill Development Framework Hnahthial District buatsaihin nimin khan KVK Training Hall, Hnahthial-ah ni 15 awh tur Ar vulh chungchang zirhona chu neih a ni.

He Ar vulh zirhona hawnna hun hi Hnahthial DC, Vanlalmawia chuan hmanpuiin khawvel changkang chho zelah Skill Development a pawimawh thu leh Sawrkar laipui pawhin Skill India Mission a kalpui thu a sawi a, “Engemaw hi kan thiam a ngai a, kan thiamna chu eizawnna tham nisela, thiamna hmanga eizawnna hi a tha a ni,” tiin Thlarau lam tih lohah khawvelah hian eizawnna a pawimawh ber thu leh eizawnna chu hluin a zahawm tih a sawi bawk. He zirhona a tel te chu mahni insenso ngai lova sawrkarin a thiamna pek dawn avanga a lawmpui thu hrilhin, tih tak takna nena zir tur leh thawhhona tha neiin Commercial farmer ni thei tura inbuatsaih turin a fuih bawk.

Core Team Member Secretary Dr.K.Lalzuimawia tarlan danin MYC sum pek Rs. 900,346/- hmangin Govt. Hnahthial College-ah NSQF Level 4 tlukpui Cement Mistiri Training kalpui mek niin mi 20 tan Ar vulh chungchang zirhona hi neih a ni a, mithiam hrang hrang ten ni 15 chhungin zirtirna an pe dawn a ni.