Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Ramhnim damdawi chin chungchang zirho

Nimin khan Serchhip-ah ramhnim damdawi chingtuten an thlai chin atanga hlawkna tam zawk an neih theih dan tur leh a zawrhchhuah dan kawng inhrilhhriatna hun hman a ni.

Regional cum Facilitation Centre (RCFC) for North Eastern Region Assam Agriculture University (AAU), leh State Medicinal Plants Board, Mizoram tangkawpin an buatsaih, ‘Farmers' Training on GAP, Value-addition and Marketing of Medicinal Plants in Mizoram’ ah hian RCFC atanga lo kal, Dr. BC Nath, Regional Director leh Dr. Lanusunep, Deputy Director-ten zirtirna an pe a, Dr. BC. Nath, Regional Director chuan Pathian in hnim leh thlai tam tak min pe a, heng ah te hian kan natna tihdamna leh mihring hriselna tur tam tak a awm a, chu chu engtinnge kan haichhuah ang tih hi kan ngaihtuah a tul a ni, a ti a, heng ramhmul damdawite atang hian hlawkna engtinnge kan neih theih ang tih te leh a chinpun dan tur thlenga ngaihtuahna sen a tul thu a sawi a, heng ah te hian loneitute an ngaihtuahna an sen thiamna tura a kawng inkawhhmuh chu he training-in a tum a nih thu a sawi bawk.

Mizoram State Medicinal Plants Board atanga he hun hmanpuitu, B. Lalbiakremmawia chuan, Mizoram in ramhmul damdawi kan ngah kan tih hi ramdanga thawnchhuak tur chuan a tam tawk lo tih a sawi a, Company tam tak duh ang zat, tam tham tharchhuak turin Mizoram chuan harsatna tam tak a nei tih a sawi a, tun maiah tam tham taka kan tharchhuak thei lo a nih pawhin kan tharchhuah ang chhun chhunte kan hlawkpui zawk theihna turin a sawngbawlna lamah tan lak a tul tih a sawi bawk. He hunah hian Serchhip District chhunga ramhnim damdawi chingtu thahnem tak an tel a ni.

Comments

Chhiar Hlawhte