Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Mizoram Rajya Sabha MP in House-ah thu sawi

Parliament Budget Session neih mekah nimin khan Mizoram Rajya Sabha MP, K. Vanlalvena chuan Indo-Bangladesh Border Road siam a pawimawh thu a sawi.

Nimin-a Parliament thutkhawm ah ‘Motion of thanks to the Hon'ble President Speech’ chu sawiho niin he hunah hian Mizoram Rajya Sabha MP, K. Vanlalvena chu thusawina hun pek a nih angin Mizoram chhunga kawng laih hna a thawh mek te tarlangin, sawrkar laipui chungah lawmthu a sawi bakah Indo-Bangladesh Border Road siam a pawimawh thu a sawi a. Rajya Sabha MP chuan Silchar leh Aizawl inkar kawngpui Four Lane laih hna bul tan thuai tawh tur te; Aizawl leh Champhai inkar kawng Double Lane laih tan mek te; Seling atanga Tuipang thleng pawh tur kawngpui Double Lane laih mek te; Lawngtlai atanga Paletwa Myanmar Seaport panna kawng laih mek te chu Mizoram tan chauh ni lovin, hmarchhak bial pumpui tana tangkai tur a nih thu a sawi a. Tlabung bul Kawrpuichhuaha Indo-Bangladesh Border Trade Centre dinna tura Central sawrkar hmalak mek te, Indo-Bangladesh insumdawn tawnna tur kawngpui Lunglei leh Tlabung inkar kawng Double Lane siamna tur Tender tun thla chhunga ko tura India sawrkar hmalakna te chu lawmawm a tih thu a sawi a ni.

India leh Bangladesh ramri hrula khaw thenkhatte leh BSF Out post thenkhat chu motor kawngin a pawh loh avanga Border Road siam tura Central sawrkar a ngenna te sawi chhuakin, ramri hungna (Border fencing) pawn lamah Mizoram khaw thenkhat a awm thu pawh a tarlang a ni.

K. Vanlalvena chuan Prime Minister, Modi sawrkar hnuaiah India ramin harsatna chi hrang hrang, COVID-19 avanga buaina te, China leh Pakistan ramri buaina te, Cyclone leh lirnghing avanga buaina te, Khau puang avang leh tuilian avanga buaina te a rualin a hmachhawn tih sawiin, heti chunga Prime Minister, Modi-a sawrkar a dingchhuak thei chu ropui a tih thu a sawi a. COVID-19 dona kawngah USA ai pawha India a chet that zawk thu te, COVID-19 hri len lai pawha India ram loneimi te tharchhuah za zela 20% a a pung thei chu lawmawm a tih thu a sawi a. Hei hi Pathian hruaina vang a ni tih a sawi lang bawk a ni.

Comments

Chhiar Hlawhte