Latest News

MNF President in AMC-ah tlin ngei a inring

MNF President leh Chief Minister, Zoramthanga chuan AMC inthlanpui lo awm turah an tlin leh ngei a rin thu a sawi.

    AMC inthlanpui neih tura Ward No. V Campaign Kick-off hun nimin-a Chanmari YMA Hall-a neih a hmanpuina ah he thu hi sawiin MNF President, Zoramthanga chuan, “India leh Zoram Politics thlirin harh a hun a, hriatthiam a hun tawh. A thli tleh dan enin, a boruak enin a chiang,” a ti a. “Party pathum hi en ila, MNF hi Pathian in tun hun atana a rawn chhawpchhuah mek a ni tih i hria ang u. Party dang candidate fel tak tak leh tha tak tak an awm ang, mahse, Pathian in Zoram tan hunbi a siamah MNF hun a thleng mek a ni,” tiin AMC-ah pawh an tlin leh ngei a rin thu a sawi a ni. MNF President chuan MNF chu ‘Pathian leh kan ram’ tan titute an ni tih sawiin, “He kan innghahna hi kan chaklohna tam tak karah pawh kan tlinna ah Pathian in min ruat sak a. Midang tana malsawmna ni turin, Lalpa chanchin tha hril turin Zoram hi Pathianin malsawm a duh,” a ti bawk.

Comments

Chhiar Hlawhte