Latest News

Volleyball Trail Tournament khelh Tan a ni

Serchhip District Volleyball Association buatsaih ‘Inter-District 2021 Selection Trail Tournament’ chu nimin khan Serchhip Chhim Veng Volleyball Court-ah khelh Tan a ni.

Khawzawl-a Inter-District Volleyball Championship khelh tur atana Serchhip District aiawha khel tur zawnna atana buatsaih ‘Inter-District 2021 Selection Trail Tournament’ hi Serchhip East Block MNF President, C. Vanlalsiamthara chuan nimin khan hawngin Serchhip Darnam Tlang-ah Youth Centre sak mek a nih thu leh hetah hian Indoor Volleyball khelh theihna tur ruahman a nih thu a sawi a, hei bakah hian Serchhip Sports Complex-ah Volleyball khelhna tur hmun siamna tur ram pek a nih thu te sawiin, heng te hi changtlung zawka tih puitlin a nih theih nan hmalak a nih dawn thu a sawi a. Serchhip Chhim Veng-ah pawh Futsal Ground siam tum a nih thu sawiin, heng te hi ti puitling turin theihtawp chhuah a nih dawn thu leh heng hmalakna leh Volleyball hmasawnna ah Tangkai theihna a neih chuan theihtawp chhuah a tum thu a sawi bawk.

Serchhip District Volleyball Association-a Sr. Vice President, VL. Hruaitluanga kaihhruai he hunah hian Serchhip District Sports Committee Secretary, R. Vanlalhruaia chuan Serchhip District in Volleyball Association-a hruaitu Tha tak an nei chu lawmawm a tih thu sawiin, SDSC hnuaia Sports Association te zingah pawh hma la Tha ber pawl an nih thu a sawi a. Infiammi te chu an hriselna ngai pawimawha taksa fit an neih theih nana theihtawp chhuah reng turin a chah bawk.

He hunah hian Match Commissioner, C. Laldinpuia chuan hri leng avanga hun rei tak Tournament an buatsaih theih tawhloh hnuah Inter-District Volleyball Championship khelh tur thlanna atan he intihsiakna hi buatsaih a nih thu a sawi a. Mipa lamah Team 9 leh hmeichhe lamah Team 4 an tel a ni.

Comments

Chhiar Hlawhte