Thla khat chhung hri kai hmuh thar awm tawhlo

/

Serchhip District-ah thla khat chhung CO-VID-19 hri kai hmuhchhuah an awm tawh lova, tun thla chhungin hri kai enkawl an awm tawhlo bawk.

Serchhip CMO Office atanga thu kan dawn danin Serchhip District-ah hian kumin January ni 20 khan COVID-19 hri kai hmuhchhuah awmin hemi hnu hian Serchhip District-ah hian Sample enfiah awm belh zeuh zeuh mah se hri kai hmuhchhuah an awm tawhlo a, thla khat chhung zet chu hri kai hmuhchhuah an awm tawhlo a ni.

Serchhip District-a hri kai hmuhchhuah hnuhnun ber hi kumin January 31 khan hri lakah fihlimin Covid Care Centre (CCC) atanga chhuahtir a ni a, hemi hnu hian Serchhip District-ah hian hri kai enkawl belh awm tawh lovin tun thlengin Serchhip District-ah hri kai 180 hmuhchhuah an ni tawh a, an zinga 179 te chu enkawl dam niin hri kai hmuhchhuah zingah nunna chan mi pakhat a awm thung a. Tunah hian hri leng avanga State pawn atanga rawn lut inkhunghrang pawh an awm tawhlo bawk a ni.

Inrinni leh nimin, Pathianni te khan Ser-chhip District-ah Sample enfiah an awmlo a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »