Latest News

Thla thar-ah kum 50 chunglam vaccine pe dawn

Sawrkar laipui chuan COVID-19 vaccine dawng tura zinga a dah pawimawh pathumna, kum 50 chin chunglam te chu thlaleh atangin vaccine a pe tan dawn.

Union Health Minister Dr. Harsh Vardhan chuan hemi chungchang chanchinbumite a kawmnaah he thu hi sawiin ramchhung-ah kum 50 ching chunglam te hi mi vbc. 26 vel an awm thu a sawi a ni. Sawrkar laipui chuan January ni 16 atang khan COVID-19 vaccine hi Health Care Workers a pe tan a, February ni 2 atanga khan a dah pawimawh pahnihna hri leng dona kawnga thawktu, Frontline Worker te a pe leh bawk a ni.

Hetihlai hian ramchhunga mi 8720,822 te chu COVID-19 vaccine pek an ni tawh a, tunah hian ramchhungah hri kai hmuhchhuah chu 1,09,25,710 ni tawhin an zinga 1,06,33,025 te chu enkawl dam an ni tawh a, tunah hian hri kai enkawllai 1,36,872 an la awm mek bawk a, hri kai zingah nunna chan 1,55,813 an awm tawh bawk a, hri kai hmuhchhuah atanga za zela 97.32 te chu enkawl dam an ni tawh a ni.

Comments

Chhiar Hlawhte