Latest News

Kolasib DC in S. Chhimluang khua a tlawh

Kolasib District Bawrhsap, Dr. H. Lalthlangliana chuan nimin khan an District-a South Chhimluang khua tlawhin khawtlang hmasawnna tura an mamawh te a sawipui bakah an khaw panna kawng siamthat ngai te a endik bawk.

Kolasib Bawrhsap Dr.H.Lalthlangliana chuan S. Chhimluang khawtlang hmaah thu sawiin S. Chhimluang khua chu hmasawnna rahbi thar kai mek, Sub-Village dinhmuna hlan kai thar an ni ta chu a taka khawtlang hmasawn nana hmang ngei turin a chah a, hemi tihlawhtling tur hian khua leh tui rintlak nih tum tlat a pawimawh thu leh kawng hrang hrangah Kohhran rawngbawltute leh School-a thawktute pawh rawn hreh lo tur leh rawn nachang hre turin a chah a ni.

Kolasib Bawrhsap in S. Chhimluang a tlawhna ah hian S. Chhimluang Field-ah vantlang inkhawm buatsaihin an lo lawm a, khawtlang mamawh hrang hrang sawihona hun hman a nih bakah Kolasib DLAO, ST. Lalhming-mawia chuan Sub-Village Committee mawhphurna leh inkaihhruaina kawnga hriattur pawimawh a sawi a, Sawrkara innghat mai lovin, mahni phak tawk a khawtlang tana mi tangkai nih tum theuh turin kalkhawmte a chah bawk.

S. Chhimluang khua hi Kolasib atanga KM 33 vel a hla niin Chhungkaw 126 awm anga chhinchhiah an ni a, a tam zawk hi Bru niin December 2020 khan Sub-Village council a hlankai an ni.

Comments

Chhiar Hlawhte