Jan. thla ah mi 382 man

Serchhip District chhunga COVID-19 No Tolerance Drive kalpui mekah kumin January thla chhung khan hri leng dona Dan bawhchhia mi 382 zet man leh an ni a, heng mite pawisa chawi tlingkhawm chu Rs. 47,700/- a ni.

January thla chhunga Serchhip District-a Dan bawh-chhia man te hi Police Duty ten an man vek niin tun thla chhung hian Dan bawhchhia man loh ni a awm lova, Dan bawhchhia man tam ber ni, January 6 khan mi 27 zet man an ni a, hei hi Dan bawhchhia te sum chawi tlingkhawm tam ber ni ni bawkin an sum chawi tlingkhawm hi Rs. 4600/- zet a tling bawk a ni.

Serchhip District-ah COVID-19 No Tolerance Drive hman mekah hian nimin khan Dan bawhchhia man report erawh nizan dar 7:00 thleng khan an awmlo thung a ni.