Zu siamna hmun tichhia

Serchhip Chanmari Branch YMA te chuan nimin khan hnatlangpui neiin Zu bilhlai leh thlawr sa thahnem tak an tihchhiat bakah Zu siamna bel thahnem tak an man.

    Serchhip Chanmari Branch YMA hruaitute hnen atanga thu kan dawn danin nimin khan Serchhip Chanmari Branch YMA te hian an Veng hnaih-a luikawrh hrang hrangah zawhchhuak tur Group insiamin Zu siamna hmun dapchhuah hna hi an thawk a, he hnatlang-ah hian mi 25 thawkchhuakin Zu bilhlai Zem 18 zet an tihchhiat bakah Zu thlawrsa litre 90 zet manin an tichhe bawk a, hei bakah hian Zu siamna Belpui 9 leh Bel te 8 manin Zu siamtu ten tui lakna atana an hman Rubber Pipe Roll 2 an man bakah Zu siamna hmanraw dang thahnem tak an man bawk a ni.