Latest News

Chanchin thar thenkhat :

Lakhuihthei chin turin thlang

Nimin khan District Level Monitoring Committee on Formation and Promotion of 10,000 Farmer Producer Organizations (FPOs), Khaw-zawl District chu thukhawmin District pakhat tan thlai pakhat tih thupui, ‘One District One Crop’ kalpui tur chungchang an ngaihtuah a, he thutkhawm a tel te hian Khawzawl District-ah Lakhuihthei chinga hmalak nise an ti a, thlai dang, Cluster-Based a chînah te pawh FPO din chung-chang an sawiho bawk. He thutkhawm ah hian NABARD-a District Development Manager, Rabishankar Likmabam chuan Central Sector Sheme, Formation and Promotion of 10,000 FPOs chungchang sawifiahin, a din dan tur kalphung leh hmalak dan turte pawh a sawifiah bawk.


Larsap dawnsawn dan tur rel

Mizoram Governor, PS. Sreedharan Pillai chuan thla thar, March 10 khian lehlangin Lunglei a tlawh dawn a, nimin khan Larsap dawnsawm dan tur hi Lunglei-ah sawrkar mi pawimawh ten an sawiho a ni. Ruahman lawk ang chuan Governor hi March ni 10 chawhma lamah Helicopter hmangin Assam Rifles Helipad, Lung-lawn-ah a tum ang a. Guard of Honour pek a nih hnuin Circuit House panin Sawrkar Department hotute inkawmhona hun a hmanpui dawn bakah tlawmngai pawl te, Kohhran hruaitute leh Political Party-te a kawm dawn a ni.


Hna chhunzawm remti lo

MZP Sub-Hqrs. West Lungdar chuan nimin khan Govt. Middle School,West Lungdar building sak mek chu a hmunah endikin, Estimate anga sak anih loh avangin School building sak mek chu chhunzawm an rem tih tawh loh thu an sawi a. He School building sak mek hi a tirah cheng nuai 80 estimate niin a hnuah cheng nuai 60 tih leh niin an sak hnuah nuai 20 an ti leh si niin an sawi a, hetianga a danglam chu mak an tih thu leh hna tan hnu leh hmaah pawh a buai nuai mai chu thil fello tam tak a awm ngei nia an hriat thu an sawi bawk.

Comments

Chhiar Hlawhte